“”რა დაგემართა?” – მანჯღრევ და მაღვიძებ.
-ჩვენ ხომ შევთანხმდით, რომ კარგად ვართ.”
მე კი ღამის კოშმარიდან ვერგამორკვეული, შეშინებული თვალებით გიყურებ და ვგრძნობ, რომ სუნთქვა მიმშვიდდება. შენ ხომ ჩემთან ხარ.
“და მაშინ, როცა მხრებს მხრებზე გატოლებ”, ან უბრალოდ თავს გადებ და ჩურჩულით ვამბობ, როგორ გაგვიმართლა ერთმანეთი რომ გვყავს, სწორედ მაშინ ვხვდები, რომ სანამ ჩემი თითები შენს ხელშია, ვერანაირი ღამის კოშმარი ვერ შემაშინებს და არც
ღამისფერი ფიქრები ამივსებს თვალებს შიშით და ცრემლით.
მოდი, დიდი ფანჯრიდან ვუყუროთ თოვას.
ლამპიონების შუქზე იფარფატებს თეთრი სიმართლე.
მოგიყვები, როგორ ვეღარ იტევს დედამიწა ადამიანთა ტკივილს და რომ მალე შეიძლება დედამიწასაც იმ პატარა ჩიტივით გაუსკდეს გული, ჩემ მეგობარს რომ ესვენა ოდესღაც ხელისგულზე.
“კარგად ვარ” – გეუბნები მე, და ჩემი მოცახცახე მუხლები, მხრები გამცემენ.
ჩვენ ხომ შევთანხმდით, რომ ვფერადდებით.
ბოლოს და ბოლოს მეც ვისწავლი კარგად ყოფნას.
Read Next
ხედავ? შავ-თეთრ ცისარტყელას ვხატავ. ფრთებსაც სულ აექერცლა საღებავი, ისევ წასრულის ტკივილს გვაგონებს. შენ არ იცი, რომ მე ფერები დავკარგე. ამიტომ ვერ მაფერადებ. შენ არ იცი, რომ ცისარტყელას შავ-თეთრში ვხედავ. შენ არ იცი, რომ მე აქ აღარ ვარ. შენ არ იცი როგორ უნდა …
სიყვარულია, როცა დილას იმ ფიქრით ვიღვიძებ, რომ შენ ჩემ ცხოვრებაში არსებობ. რომ დღეს უნდა გნახო, ან ვერ გნახო და განწყობაც შესაბამისია. როცა დილას აუცილებლად მხვდება შენი SMS, ვკითხულობ რამდენჯერმე, თუნდაც ერთი სიტყვა ეწეროს და ბედნიერს მეღიმება. სიყვარულია, როცა ღამით შენთან …
შემოდგომისფერ ფიქრებში იისფერი ტონები შემომეპარა. დაუსრულებელი ბოდიალის პერიოდი იწყება. დრო, როცა მთელი დღე ყვითელ ფოთლებში დაშრიალებ, სახლში მისული, ოდნავ გაყინული, ჩაის ჭიქაზე ითბობ თითებს, ტუჩ-ცხვირს კი ჭიქიდან ამომავალ ორთქლზე, მერე კითხვაში, მზესუმზირის კნაწუნში (ან შოკოლადის ჭამაში) და მწვანე ჩაის სმაში …
ის უცნაური მომენტი, ძველ რაღაცეებს რომ იხსენებ და თან ცრემლებს ვერ იჩერებ, ღაპაღუპით მოგდის და თან გეცინება.. რა კარგი იყო და რა კოშმარად იქცა ყველაფერი ბოლოს. რატომ ვერ ხვდებიან ადამიანები თავიანთი უბრალო ქმედებით რამხელა ტკივილი შეიძლება მიაყენონ სხვას? უზომოდ რომ …