პასუხი თქვენ :)

“შეყვარებული თუ გყავს, რატომ დამამატე?”
“ამდენი მეგობარი რომ გყავს, თან ბიჭები, არ გიშლის შეყვარებული?”
“შეყვარებული არ გიშლის ბარში ჯდომას?”

და მსგავსი შეკითხვების მქონე გენიოსებს მინდა ვუპასუხო.
არა, არ მიშლის.

• როცა საქმე რამის დაშლაზე მიდის, ეს არაა ჯანსაღი ურთიერთობა, დაიმახსოვრეთ. ადამიანი, რომელიც პატივს გცემს, გენდობა და უყვარხარ, არაფერს დაგიშლის და არც ეჭვს შეიტანს შენში.

• მყავს უამრავი მეგობარი, რომელთა შორის ბევრი ბიჭია. ბარშიც ვმჯდარვარ მათთან ერთად (და კიდევ ბევრჯერ დავჯდები), ფეხითაც ბევრი მიბოდიალია, სახლამდეც მოვუცილებივარ და იქნება კიდეც ასე. ისწავლეთ მეგობრობისა და ფლირტის გამიჯვნა. ეს რაც შეეხება კითხვას, თუ რატომ არ მიშლის (!) შეყვარებული ხალხთან ურთიერთობას.(ჩვენში დარჩეს და, სასაცილოა ამ კითხვის დასმა).

• ახლა რაც შეეხება იმას, თუ რატომ ვამატებ ადამიანებს მაშინ, “როცა შეყვარებული მყავს”. ისევ და ისევ, ისწავლეთ უბრალო ნაცნობობის, მეგობრობის და რაღაც სხვის გამიჯვნა.ნუ მიანიჭებთ თქვენ თავებს იმაზე დიდ მნიშვნელობას, ვიდრე გაქვთ. თქვენვე დაგაზარალებთ.(მაინცდამაინც ჩემთან ურთიერთობას არ ვგულისხმობ, ზოგადად ცხოვრებაში გამოგადგებათ) 🙂 

და ბოლოს, პასუხი ყველას ერთად.

გოგოებს, ბიჭებს, კატებს და ა.შ.

დიახ, არ გეჩვენებათ.
მე გვერდით მყავს ძალიან კარგი ადამიანი, რომელიც თქვენგან განსხვავებით კარგად აზროვნებს.
იცის ვის რა მნიშვნელობა აქვს ჩემთვის.
არ მიზღუდავს პირად სივრცეს, არ ერევა ზედმეტად ჩემ ცხოვრებაში, არ მიბურღავს ტვინს ეჭვიანობით და ა.შ. 🙂
მე მყავს გვერდით ადამიანი, რომლის მოტყუებაც არ მჭირდება, რადგან არასოდეს ექნება პრეტენზია იმაზე, რომ მეგობართან ერთად ვარ კინოში/ბარში/კონცერტზე. (სქესის მიუხედავად).
არ მჭირდება მისი მოტყუება იმიტომ, რომ სულ არ ინტერესდება ვინ მწერს და რატომ, იმიტომ, რომ იცის, მარტო ის მიყვარს.
და ბოლოს, თუ თქვენ მეორე ნახევარს ეკითხებით ვის დაელაპარაკოთ, როგორ ისუნთქოთ და რამდენჯერ დაახამხამოთ თვალი დღეში, პრობლემა გქონიათ.
ჰოდა მიხედეთ თქვენ პრობლემებს და შეეშვით ჩემ ურთიერთობაში ქექვას, რომელიც მინდა ვთქვა, რომ ძალიან კარგია. 🙂 
სიყვარულით, მე.