ჩემს პატარა ქალბატონს.

დღეს 17 წლის გახდი.
უკვე მე-17 წელი დაიწყო, რაც ჩემი ყოველდღიურობის ნაწილი ხარ.
იცი, ბევრჯერ მიფიქრია რა იქნებოდა ჩემი ცხოვრება შენ გარეშე.
პასუხი ყოველთვის ერთია – არაფერი.
მინდა ძალიან ბევრი რამ გითხრა, მაგრამ ეს ის სიყვარულია, რომელსაც მართლა ვერ გადმოსცემ სიტყვებით.
ერთი კია, ზუსტად ვიცი, ცხოვრებაში რაც არ უნდა დამემართოს, რა პრობლემაც არ უნდა შემექმნას, შენი არსებობა ყველაფერს გადამატანინებს.
დღის ბოლოს, დაღლილი რომ ვჯდები ტრანსპორტში, ვიცი, რომ სახლში შენ მელოდები და როგორც არ უნდა ვიყო, ბედნიერებით ვივსები.
ვამაყობ, რომ ასეთი ჭკვიანი ხარ.
ვამაყობ, რომ ასე კარგად აზროვნებ.
ვამაყობ, რომ ასეთი ლამაზი ხარ.
მე ვამაყობ, რომ ჩემი და ხარ!
მინდა ძალიან ბევრი რამ გააკეთო, შენი ბედნიერებისთვის ბოლომდე იბრძოლო, მე რომ მუდამ შენ გვერდით ვიქნები, მაგას თქმაც არ უნდა.
გილოცავ და მიყვარხარ!